Aðgerðir strax

Hún er átakanleg fundagleðin í sambandi við grafalvarlegan vanda heimilanna. Það var hægt að demba á þjóðina neyðarlögum á örfáum klukkutímum árið 2008 með samþykki Alþingis.

Núna er það umræðupólitíkin sem er að tröllríða öllu. Kettirnir í VG hlaupa í allar áttir og ekki minnsta von um einingu og samhug úr þeirri áttinni. 

Í mogga mátti lesa um viðbrögð Arnars Sigurmundssonar formanns félags lífeyrissjóða. Þar talar hann niður hugmyndir um almenna niðurfærslu. Slíkt myndi skerða lífeyrisgreiðslur til eftirlaunaþega. Víst er það rétt og slæmt.

Ekki  minnist ég þess ekki að Arnar hafi haft uppi stór orð þegar lífeyrissjóirnir skertu greiðslur vegna gegndarlausra og heimskulegra fjárfestinga í íslensku bönkunum. Sem sumar voru svo vitlausar að aðeins íslenskri lífeyrarsjóðir gleyptu við þeim.

Það verður að koma til stórkostlegar aðgerðir og það strax.

 Nú er tími viðræðna liðin.

 

 


mbl.is Fundur um skuldavanda
Tilkynna um óviðeigandi tengingu við frétt

Gráðugt ríkisflugfélag

Það er er ekki að sökum að spyrja að flokkar öreiga og verkalýðs ráðast fram og demba lögum á réttmæta kjarabaráttu flugvirkja. Látum það liggja á milli hluta að þeir eru fráleitt láglaunastétt en það að grípa inn í deilu á vinnumarkaði á milli fagstéttar og Flugfélags á samkeppnismarkaði er glórulaust með öllu, og það á fyrsta sólarhring vinnudeilunnar. Var ekki Ríkissáttasemjari með málið í sínum höndum? Gleymum því ekki að Icelandair er ekki lengur einrátt með gráðugar klærnar á íslenskum flugmarkaði lengur. Iceland Express og SAS fljúga oft í viku frá Keflavík. Það er beinlínis ömurlegt í ljósi þess hvaða skilaboð háttvirtur Samgönguráðherra er að senda þjóðinni. Þegið og hlýðið. Hann fór reyndar ansi frjálslega með tölur yfir farþega sem Icelandair eiga að flytja á degi hverjum um Keflavík. 5000 manns. Já gaman væri að sjá hann standa við þau orð þegar semja þarf við aðrar stéttir á vellinum sem standa straum af rekstri sínum með innheimtu vopnaleitargjalda. Ætli talan sé nú ekki nær 2000 á góðum degi og dettur hæglega niður í 600 manns á dag hjá Ríkisflugfélaginu með óhóflega aðganginn að ráðamönnum.

Vissulega er mikið í húfi þar sem ferðamannaiðnaðurinn er með alla sína dollara og evrur. En í grundvallaratriðum þá hélt ég að svona inngrip ríkisstjórnar væru löngu liðin arfleið.


mbl.is Lög á verkfall flugvirkja
Tilkynna um óviðeigandi tengingu við frétt

Sumt geta menn bara ekki!

Fer nú ekki að verða fullreynt með hestamennskuna hann Óla?
mbl.is Ólafur Ragnar enn á sjúkrahúsi
Tilkynna um óviðeigandi tengingu við frétt

Sérlega ánægjulegt!

Vonandi að Bretarnir taki þetta á öðrum hraða en snigilsins. Ekki vanþörf á.
mbl.is Rannsaka íslensku bankana
Tilkynna um óviðeigandi tengingu við frétt

Kallinn þarf að komast undir læknishendur.

Er eitthvað í vatninu hans Steingríms. Þvílíkar breytingar á einum manni á jafn skömmum tíma ætti að rannsaka af læknum. Er þetta virkilega sami maður og stóð í pontu Alþingis og barði í borðið og þóttist trúr sannfæringu sinni. Say no more!
mbl.is Erfitt mál fyrir VG
Tilkynna um óviðeigandi tengingu við frétt

Eins og geimverur!

Íslenskir viðskiptamógúlar síðustu ára fóru úr einu fyrirtækinu í annað, brutu upp gömul rótgróin fyrirtæki og skiptu þeim í smærri einingar. Seldu svo bútana aftur og aftur til að græða meira eru í rauninni ekki svo ólíkir geimverunum í Independence Day. Munið þær fóru frá einni plánetunni á aðra og þuraustu þær af auðlindum sínum. Héldu svo á brott og skildu eftir sig sviðna jörð.

Eru þetta skuldir þjóðarinnar?

Þjóðaratkvæðagreiðsla myndi ekki breyta neinu núna nema sundra Þjóðinni. Því miður.

 Á meðan tapast dýrmætur tími sem ætti að nota til að koma böndum á þessa fjármálafanta sem hafa komið okkur í þessi mál. Við stöndum frammi fyrir tveimur virkilega slæmum kostum í þessu Icesave máli. Að borga ekki og fá yfir okkur fordæmingu og hugsanlega hunsun alþjóðasamfélagsins. Hitt er að ganga að þessu nota eignir Landsbankans upp í skuldirnar og reyna svo að semja um eftirstöðvarnar á einhverjum vitrænum nótum við Breta og Hollendinga.

Svo fá fyrri eigendur, stjórnendur og hugmyndafræðingar þessa Icesave svikamyllu ásamt ráðamönnum þjóðarinnar sem heimiluðu þessa vitleysu reikning frá ríkissjóði fyrir afganginum og þeir borga hann.

Þá standa þeir frammi fyrir tveimur kostum að borga þessa 100 miljarða, þetta eru smáaurar í saman burði við þá fjármuni sem þeir eru vanir að sýsla með, eða sitja þá af sér í notalegheitum á Litla Hrauni.

Annars finnst mér þingmenn og ráðherrar fara fullgeyst að kalla þetta skuldir þjóðarinnar. Eru þetta ekki skuldir þessa sama Landsbanka og var einkavæddur 2002?


mbl.is Þjóðaratkvæðagreiðslu um Icesave
Tilkynna um óviðeigandi tengingu við frétt

Þrjár þjóðir.

Það er greinilegt að það búa nokkrar þjóðir í þessu landi. Efnahagsástandið hefur gjörbreytt lífi eins hópsins til hins verra með hærri greiðslubyrði, hækkandi sköttum og minni tekjum. Einn hópurinn verður ekki var við neitt og heldur áfram að lifa EINS og það sé júní 2007. Svo er þriðji hópurinn sem lítur á allt tal um versnandi efnahagsástand og allt tal um kreppu sem neikvæðni og barlóm, heldur að það SÉ 2007.

Það er verið að hafa þig að fífli!

Forsætisráðherra hafði uppi stór orð í febrúar s.l. þegar minnihlutastjórn VG og Samfylkingar tók við að nú yrði að slá skjaldborg um vanda heimilanna. Stór orð og í tíma töluð. Í febrúar var líka svo stutt frá mótælunum við Austurvöll og henni vafalaust í fersku minni af hverju ríkisstjórn Samfylkingar og Sjálfstæðisflokks sprakk. Nú skildi brett upp ermar og hafist handa við að rannsaka bankahrunið og opna stjórnarráðið og lofta út ófögnuðinn eftir fyrri valdhafa.
Kannski hefur eitthvað áunnist veit það ekki en þessi skjaldborg um vanda heimilanna, hefur einhver orðið var við hana? Ekki ég að minnsta kosti.
Það hefur lítið breyst bankanum. Og það má spyrja sig er það einhver lausn að frysta endalaust lán. Er það ekki bara eins og að éta útsæðið? Seðjandi á meðan það varir en síðan hvað?

Óréttlætið í fjármálakerfinu okkar er ógeðslegt nú um stundir. Núna eru bankadruslurnar sem stærsta hlut eiga á þeim málum sem við erum í og eru u.þ.b að henda hundruðum miljarða Icesave skuldum yfir á landsmenn tilbúnir að gera næstum ekki neitt fyrir yfirskuldsetta viðskiptavini sína. Og þær lausnir sem þeir bjóða upp á þarf að toga út úr þeim með töngum.

Vitið til að í haust þegar þessi fresturinn á nauðungaruppboðum sem ríkið fyrirskipaði verður liðin helst yfir okkur hrina uppboða hjá varnarlausu fólki sem er komið í vanskil vegna gríðarlegra hækkana á gengislánunum og hinir vegna vísitöluhækanna. Flest allir sem ég þekki eru með lán áhvílandi á húsum sínum og finna þetta á eigin skinni. Allan ágóða af gengissveiflum og hækkandi vísitölu rennur beint í vasa bankans. Og það er eins óréttlátt og hugsast getur. Lánastarfssemi á Íslandi hefur alltaf verið einhliða. Bankinn ræður öllu. Þú lántakandinn ert eins og skíturinn undir skónum þeirra. Borgaðu eða við hirðum draslið þitt og gerum þig gjaldþrota.

Eins og í öllum venjulegum heiðarlegum viðskiptum ætti að sjálfsögðu að vera endurskoðunar ákvæði verði forsendubrestur eða þá að aðstæður þeirra sem eiga í viðskiptum breytist, eins svo sannarlega á við núna.
Þú fórst í bankann af því þig vantaði fjármagn. Eftir að bankinn hafði gaumgæfilega rannsakað allan þinn bakgrunn sagði hann þér hversu mikið hann var tilbúin að lána þér gegn fyrsta veðrétti í húsinu eða eftir nánara samkomulagi. Bankinn sagði þér hversu mikla vexti hann vildi að þú borgaðir honum. Þú gast kannski valið hvort lánið ætti að vera til 10-15-25 eða 40 ára eftir þinni getu. Þú gast líka (valið ) hvort þú vildir verðtryggt lán þá oftast með innan við 5% vesti eða þá óverðtryggt lán með 10-14% vöxtum. Það völdu nær allir verðtryggt lán sem var ekki svo galið meðan að snillingarnir bankaútrásarvíkingarnir héldu um stjórnartaumana og skrumskælingamiðstöðvar bankanna sem þeir sjálfir reyndar kölluðu greiningardeildir hömruðu á hvað allt væri nú frábært og lugu til um verðbólguþróun. Þannig fór að flestir sitja nú annað hvort uppi með gengislán sem hefur hækkað meira en 100% eða vísitölulán sem er illa farið eftir verðbólgu síðustu ára.

Bankarnir allir eiga stærsta þátt í því hvernig komið er fyrir okkur. Þeir tóku allir þátt í hrunadansi útrásarinnar og tóku ítrekað stöðu gegn krónunni sem síðan orsakaði fall krónunnar síðar.

Ef að einhver dugur væri í þessari ömurlegu ríkisstjórn sem nú hugsar aðeins um rassgatið á sjálfum sér og er að gæta hagsmuna bankanna sem Þeir hirtu af snillingunum, fyrri eigendum þegar Þeir voru búnir að spila rassgatið úr buxunum.

Ég er þeirrar skoðunar að ef að ríkisstjórnin ætlar sér að slá skjaldborg um vanda heimilanna þá verður að koma til niðurfellingar á skuldum viðskiptavina bankanna.

Það er sanngjarnt að borga höfuðstól og vexti, það er ekki verið að ræða um annað og reikna vísitöluna frá miðju ári 2008.

Og ekki segja að þetta sé ekki hægt það er víst hægt. Verðbæturnar eru mannanna verk og því er hægt að breyta. Vilji er allt sem þarf.

Það á heldur ekki að vera hægt að hneppa heila þjóð í margra ára skuldafangelsi vegna óráðsíu og veruleikafyrringa fárra gráðugra manna.

Fólk verður að standa saman og hugsa um sinn eigin hag fyrst af öllu.

Rétt eins og útrásarvíkingarnir gerðu.

Hrokahljóð úr barka

Þau úrræði sem núverandi ríkisstjórn hefur grafið upp úr Barbabrelluhattinum sínum munu vafalaust verða einhverjum til tímabundinnar bjargar.

En gleymum ekki því að þó að fólk fái frystingar á lánin sín í einhver ár halda lánin áfram að safna vöxtum og verðbótum sem nemur hundruðum þúsunda á  ári. Fólk er að taka út lífeyrissparnað eftir margra ára söfnun sem alls ekki stóð til að taka út fyrr en eftir áratugi í sumum tilfellum. Og um greiðsludreifinguna þarf ekki að hafa mörg orð hún hentar kannski 0.001% skuldara. Slíkar eru kvaðirnar að falla inn í þá skilmála.

Það er alveg sama hvar maður ber niður. Það er úrræðaleysi og bjargleysi í fyrrverandi ríkisstjórn.

Það er komið hrokahljóð í núverandi ríkisstjórn og maður þekkir ekki Steingrím Joð fyrir sama mann, slíkar eru breytingarnar á kallinum. Það er allur kraftur úr honum. Svei mér ef hann var miklu betri þegar hann réð engu.

Og tilvonandi ríkisstjórn er farin að senda einhverja gamla kennitöluflakkara til að snakka við lýðin.

Kannski við hæfi.

Þetta er farið að verða svolítið eins og í Kafka skáldsögu.

Það virðast allir vera á hraðleið eitthvert með einhverjum sem þeir þekkja ekki en allir þekkja þá. Og það sem meira er það virðast allir vita hvert stefnir nema þeir sem hafa atvinnu af því að taka stefnuna.

Er að styttast í nýjar pottabarsmíðar?


mbl.is Aðgerðirnar eru taldar duga flestum
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband